Нэг тийм инээмсгэлэл

Хэд хоногын өмнө нэг инээмсгэлэл харсан нь сэтгэлээс гардаггүй ээ. Манай гэрээс урагшаа төв замруу явах нарийхан гудманд "халуун хоол хүйтэн пиво" төрлийн хямдхан уушын газар хэд хэд байдаг юм.

Бөөгийн домог

Аль нэг тэмтрүүлд нь хүрчихвэл үхэх аюулд хүргэдэг залхаг загас гэж амьтан бий. Аюурзанын бичлэг тэр тэмтрүүлүүдэд маш их ойртож очсоноороо миний сэтгэлийг их хөдөлгөдөг. Хэрвээ хэтрүүлэл, уянга тансаг найруулал, бага атугай ч яруу найргын шинж чанаргүй бол би тийм зохиол уншихгүй ээ. Эсрэгээрээ тэр бүхэн нь хэтэрчихвэл тэмтрүүлэнд хүрэхийн адилаар амьдралаас тасарч цааш нь унших ямарч сонирхолгүй болох байхаа.
Бөөгийн домог хэмээх номыг нь уншина гэж олон сар бодсон ч амжилгүй явсаар сая уншлаа. Үйл явдлын өрнөл багатай ч сэтгэл догдлуулсан сайхан хэсгүүд нэлээд олонтой сайхан зохиол болсон байна.
Бурхан болоод ид шид байдаг гэж итгэхэд хэцүү цаг үед амьдарч байна гэж би боддог. Гэхдээ л бидний сэтгэхүй хэзээ ч хүрч тэмтрэхээргүй тийм үнэн яагаад оршин байх боломжгүй гэж? Өдөр тутмын амьдралдаа дарагдаад дэндүү харалган болчихсон бидний оюун ухаан дэргэд нь дэндүү мөхөстөхөөр тийм гайхамшиг эсвэл аймшиг хаа нэгтээ байх бүрэн боломжтой.
200 хэдхэн хуудастай энэ номонд буриад хүмүүсийн аж ахуй, бөө мөргөлийн тухай, байгал далай, хайр дурлал,  хүний амьдралд тохиолдож болох хачин сонин үйл явдлуудаас амтлаад өнгөрөх боломжтой

Хязгааргүйн тухай бодол

Эх дэлхийгээ би
Их алсаас ажлаа.
Дэлхий цэнхэртэж үзэгдсэнгүй
Одод гялтганаж үзэгдсэнгүй.
Тэнд,
Тийм хүйтэн, тийм харанхуй, тийм хязгааргүй.
Хязгааргүйн тэг дунд би амьдарч байна.

Урьд насаа би
Ургуулан бодож үзлээ.
Оргүй хоосон ч үзэгдсэнгүй.
Тэнд,
Тэгэхээр "тэнд" гэж байхгүй байх.
Хязгааргүйн дундаас би урган гарсан байх.

Үхлийн дараа хаачихаа
Үргэлж дандаа төсөөлж явна.
Хөх далайн хүйтэн ёроолруу шидсэн
Лонхтой захидал шиг
Миний гэх бүхэн.
Хязгааргүйрүү би цаг мөч бүр тэмүүлж байна.
Хязгааргүйн тэг дунд би амьдарч байна.

Хичнээн хүсэвч

Хичнээн хүсэвч
Би шүлэгч биш.
Гуниг гутрал, баяр баясал
Аль алийг нь амтлаагүй атлаа
Сохор хүн шиг сэтгэлээ тэмтчин
Чамин үгсээр бодлоо хэлхвэл
Тэр нь яг л
Хуурамч хүмүүс шиг байх болно.

Нар зүүн зүгээс манддаг уу?

Хорвоо ертөнцийн туйлын үнэн байдлыг харсан хүнээ байг гэхэд хоосон чанарын талаар хагас хугас ойлголттой хүн энэ асуултын хариуг шууд хэлнэ дээ.

Миний ёс зүй

Би энэ улирал компьютерийн ёс зүй ба хууль гэдэг хичээл үзэж байгаа. Маргааш би "Миний ёс зүй" гэдэг нэртэй эссе бичиж хураалгах ёстой. Багш гараар бичиж хураалгахыг шаарддаг болохоор үзэг цаас гаргаж ирээд бичдэг баатар болох гэтэл ойрд үзэг бариагүй мойног хуруунууд маань эвлэхгүй, байнга backspace хийдэг болохоор баллаж сохлоод болсонгүй ээ. Бас дээр нь багшаас өөр хүн уншихгүй гэж бодохоор нэг л бичих хүсэл төрөөгүйн улмаас Монгол хэл мэддэг бүх хүнийг уншиг гээд өөрийнхөө мөхөс бодлынхоо хэсгээс тасдан цахим ертөнцөөр нэг цацюу гэж шийдэвээ. Миний бодлын талаар урмын үг үлдээвэл баярлах боловч шүүмжлэлд ч гэсэн эмзэглэхгүй байхаа :)

Зураг#2 Баян-Өлгий аймаг

Энэ блогыг анх бие даалтын даалгавар болгож нээж байсан юм. Харин гэнэт хаяа ганц 2 юм бичиж баймаар санагдчихлаа. Дөрвөн сарын өмнө бичсэн бичлэгэндээ амлаж байсан амлалтандаа Монгол эр хүний ёсоор хүрч Баян-Өлгийд бадарчилж явахдаа авсан хэдэн зурагаа тавихаар шийдлээ.

Өлгий хотын төв. Онгоцны буудал дээр буунгуут л нөхдүүд өөдөөс казакаар ярьна, мөргөлийн хонх дуугарна, бас болоогүй УБ - с нэг цагын зөрүүтэй. Нэг л өөр оронд байгаа ч юм шиг санагдаад сонин л юм байналээ. Тэгээд ядаж байхад тарвага иддэггүй газар тарваган тахал гараад гай болоод, хорио тавихаас өмнөхөн санд мэнд Алтай Таван Богдын зүг аяны жолоо залсан шүү.

Зураг #1(Баянзаг, Ёлын ам)

Баянзаг, Өмнөговь
Өмнийн говьчуудын нэрлэсэн 9 гайхамшигийнх нь нэг нь. Энд маш vзэсгэлэнтэй заган ой бий. Баянзагаас гадаад дотоодын эрдэмтэд vлэг гvрвэлийн яс , єндєг болон неолитийн үеийн олдворуудыг олсон. Жуулчид grand canyon той адилтгах явдал их байдаг. Халуун нь гэж там шиг газар даа.





Улаан-эрэг, Баянзаг 2009-07